Radi zaharibu usaili wa X Factor

Radi za hatari zinazotokana na mvua zinazonyesha nchini Marekani, zimekwamisha usaili wa shindano la kusaka vipaji vya kuimba la “X Factor” uliokuwa ufanyike mjini Greensboro, NC, nchini humo jana baada ya gari la production kupigwa na radi hizo.
Vyanzo vilivyoshuhudia tukio hilo vimeuambia mtandao wa TMZ kuwa, radi kubwa ilipiga katika ukumbi wa Coliseum Complex mjini humo na kufanya umeme ukatike.
Kutokana na radi hiyo kila kitu kilizima kwenye ukumbi huo na microphone zote kuungua.
Vyanzo hivyo vimesema miongoni mwa majaji wa shindano hilo akiwemo Britney Spears na Demi Lovato waliingiwa na hofu kutokana na radi hizo na hivyo kujifungua kwenye vyumba vyao.
Watayarishaji wa show hiyo wameahirisha usaili na security imekaa tayari kuangalia iwapo radi hizo zitazidi ambapo majaji hao watatakiwa kuondoka haraka.
Katika hatua nyingine uongozi wa mashindano hayo upo katika msako wa kumtafuta mshereheshaji mpya (host).
Miongoni mwa majina yanayotajwa kushika nafasi hiyo ni pamoja na mpenzi wa na muigizaji George Clooney, Stacy Keibler ambaye ameshakutana na mabosi wa X Factor lakini hakuna mazungumzo rasmi yaliyofanyika.
Wengine wanaotajwa ni pamoja na Khloé Kardashian Odom, Kelly Osbourne, Mario Lopez, mtangazaji wa BET’s 106 & Park Terrence J, Erin Andrews na mtangazaji wa radio Mike Catherwood.